पर्वतका स्थानिय तहलाई बिशेष र समपुरक अनुदान मार्फत साढे ११ करोड बजेट(योजनाको बिबरण सहित)

पर्वत, जेठ १९, जिल्लाका लागि संघीय सरकारबाट समपुरक अनुदान तर्फ ७ करोड १२ लाख रुपैंया विनियोजन भएको छ । पर्वत जिल्लाका ७ स्थानिय तह मध्ये ४ स्थानीय तहले पाउने गरि चार वटा योजनामा ७ करोड १२ समपुरक अनुदान पाउने भएका छन ।
जिल्लाको कुश्मा नगरपालिका, महाशिला गाउँपालिका, मोदी गाउँपालिका र विहादी गाउँपालिकाले समपुरक अनुदान पाउनेछन । विहादी गाउँपालिकाले समपुरक अनुदान तर्फ ४ करोड रुपैंया प्राप्त गर्नेछ । राष्ट्रियसभा अध्यक्ष गणेशप्रसाद तिमिल्सिनाको सचिबालयले दिएको जानकारी अनुसार सबैभन्दा धेरै अनुदान बिहादी गाउँपालिकाले पाउँदैछ । बिहादीमा शालिग्राम–देउराली–छाप–काब्राङ्ग सडकमा उक्त रकम खर्च हुनेछ ।
महाशिला गाउँपालिकाले समपुरक अनुदान तर्फ १ करोड ३६ लाख रुपैंया प्राप्त गर्नेछ । महाशिलामा लुंखुको मिलनचोक देहि भोक्सिङ्ग हुँदै होस्राङ्गदी जाने सडकमा यो रकम खर्च हुनेछ । यो सडक पोखरा – रिडी सडकको एक खण्ड पनि हो ।
यसैगरी मोदी गाउँपालिकाले समपुरक अनुदान तर्फ १ करोड २० लाख रुपैया प्राप्त गर्नेछ । मोदी ५ को महेन्द्रशिखरी माबिको भवन निर्माणका लागि यो रकम बिनियोजन भएको हो । यस्तै कुश्मा नगरपालिकाले समपुरक अनुदान तर्फ ५६ लाख रुपैंया प्राप्त गर्नेछ । कुस्मामा पाङ्ग कुनाचौरको मेल मैदान निर्माणका लागि रकम खर्च हुनेछ ।

बजेट बक्तब्यमा पर्वतको फलेबास, पैंयु र जलजला गाउँपालिकाले समपुरक अनुदान नपाउने उल्लेख छ तर फलेवास नगरपालिकाका प्रमुख पदमपाणी शर्माका अनुसार बजेटमा फलेवास नगरपालिकाको रकम छुट गए पनि थप ५ करोड समपुरक अनुदानमा फलेवास समेत रकम आउने पक्का भएको छ ।

उनले प्राविधिक कारण बजेट किताबका रकम छुट गएको मन्त्रालयले स्विकार गरेका कारण नगरपालिकाका थप ५ करोड समपुरक अनुदान तर्फ रकम आउने नगरप्रमुख शर्माको भनाई छ । अन्य पालिकाले समयमा नै निवदेन नपठाएका कारण छुट हुन गएको छ । राष्ट्रिय योजना आयोगले पुस २ गते सुचना निकालेर पौष मसान्त भित्र निवेदन पठाउन आब्हान गरेको थियो ।


तीन पालिकालाई मात्रै बिशेष अनुदादन

यस्तै जिल्लाका ४ वटा स्थानीय तहलाई संघीय सरकारले विशेष अनुदान उपलब्ध गराएको छैन । संघीय सरकारले ल्याएको बजेटमा जिल्लाका १ नगरपालिका सहित ३ गाउँपालिकालाई विशेष अनुदान प्राप्त गर्ने छैनन् ।
जिल्लाका ३ स्थानीय तहले प्रस्तावना पेश गरेका आधारमा संघले विशेष अनुदान रकम उपलब्ध गराउने भएको हो । पर्वत जिल्लाका लागि कुल ४ करोड ५५ लाख रुपैंया उपलब्ध गराउने भएका छ । जस मध्ये फलेवास नगरपालिकामा सबैभन्दा बढी २ करोड ३५ लाख बिशेष अनुदान रकम परेको छ। बिशेष अनुदानबाट फलेबासको दलित बस्तीमा एक घर एक धारा निर्माणका लागि २ करोड र जेष्ठ नागरिक स्वास्थ्य कार्यक्रममा ३५ लाख रकम खर्च हुनेछ । मोदी गाउँपालिकामा १ करोड रकम मध्ये दलित शसक्तिकरण र पातीचौर–बाजृङ्ग–क्याङ्ग–जलजला पदमार्गमा ५०÷५० लाख रुपैया खर्च हुनेछ । र महाशिला गाउँपालिकामा १ करोड २० लाख रुपैंया उपब्लध गराउनेछ । महाशिलामा बालाकोट स्वास्थ्य चौकी र पाखापानी स्वास्थ्य चौकी भवन निर्माणका लागि ६०÷६० लाख रुपैया खर्च हुनेछ ।

संघीय सरकारले विशेष अनुदान मार्फत विभिन्न कार्यक्रमहरु सञ्चालन गर्नका लागि विशेष अनुदान उपलब्ध गराउने गर्दछ । संघीय सरकारमा विशेष अनुदान कार्यक्रममा पछि परेको वर्ग, समुदायको स्तरोउन्नतीका लागि पहिले नै प्रस्तावना पेश गर्नुपर्ने हुन्छ । त्यो प्रस्ताव पेश नगर्ने स्थानीय तहका लागि संघले बजेट उपलब्ध गराउँदैन ।

सम्बन्धित समाचार

Comments are closed

भर्खरै view all

ज्वाला संग्राैला समूहलाई ३ दिन थुनामा राख्न अदालतको अनुमति

पर्वतको धाइरिङ्गमा पहिरोले विस्थापित ३१ परिवार विद्यालयको आश्रयमा

कोरोनाको नयाँ प्रजाती नेपालमा भेटियो

जलजलाका पहिरोपिडित ५२ परीवारलाई खाद्यन्न बितरण

टिपरले मोटरसाइकललाई ठक्कर दिँदा पर्वतका दुईजनाको मृत्यु