पर्वतमा समाजबादीका दुई जिल्ला सदस्यले भने ‘हामी एमालेमै छौ’
पर्वत । माधवकमुार नेपाल नेतृत्वको नेकपा एकिकृत समाजवादीका दुई जिल्ला सदस्यले आफुँहरु एमालेमै रहेको घोषणा गरेका छन ।
नेकपा(एकिकृत समाजबादी)ले जिल्ला सदस्य दाबी गरेका आर्थरका इन्द्रबहादुर गुरुङ्ग र जलजला ४ का प्रेमबहादुर बिश्वकर्माले बिज्ञप्ती प्रकाशित गरेर आफुँहरु एमालेमै रहेको जनाएका हुन ।
कुस्मा १४ आर्थर डाडाँखर्क गाउँकमिटीका पुर्व सचिब रहेका गुरुङ्गले आफुँलाई जानकारी नै नदिई जिल्ला नेकपा(एकिकृत समाजबादी)को जिल्ला कमिटीमा राखिएकोमा आपत्ति जनाउँदै एमाले र सुर्य चिन्हका पक्षमा जीवनभर लागि रहने प्रतिबद्धता पनि जनाउनुभएको छ । भेलामा नगएको र सहमति समेत नभएको ब्यक्तिलाई जिल्ला कमिटीमा राखिएको भनेर गरिएको हल्लाका पछि लागेर भ्रममा नर्पन सबैलाई आग्रह गर्नुभएको छ ।
एमालेको क्षत्रिय कमिटि सदस्य समेत रहि सकेका जलजला ४ का प्रेम बिश्वकर्माले एमालेबाट चोइटिएर गएको समुहले आफ्नो नाम पनि जिल्ला कमिटीमा राखिएकोमा गम्भीर ध्यानाकर्षण भएको बताउँदै भेलामा नगएको ब्यक्तिलाई जिल्ला कमिटीमा राखिएको भनेर प्रचार गर्नु राजनैतिक छलकपट र बेइमानी भएको बिज्ञप्तीमा उल्लेख गर्नुभएको छ ।
नेकपा(एकिकृत समाजबादी)ले पर्वतमा मोतीप्रसाद पौडेलको संयोजकत्वमा ७५ सदस्यीय समिति गठन गरेको घोषणा गरेको थियो ।