पर्वतमा ६० वडामा कांग्रेसको वडा अधिवेशन सम्पन्न (वडा सभापतिको नाम सहित)
पर्वत । महाधिवेशनको संघारमा जुटेको नेपाली कांग्रेस पर्वतले जिल्ला भरका ६० वटा वडाहरुमा वडा अधिवेशन सम्पन्न गरेको छ । कांग्रेसले जिल्लाका ६१ वटा वडाहरु मध्ये ६० वटा वडाहरुमा अधिवेशन सम्पन्न गरेको हो ।
वडा अविधेशनबाट वडा कमिटि पुर्नगठन भएका छन । यसैगरी वडा अधिवेशनबाट महाधिवेशन लक्षित क्षेत्रीय प्रतिनिधिहरु पनि चयन भएका छन् । कांग्रेस श्रोतका अनुसार जिल्लाका अधिकांश वडाहरुमा सर्वसहमत रुपमा नेतृत्व चयन भए पनि केहि वडाहरुमा भने मतदान प्रक्रिया नै भएको थियो ।
आफ्नो पक्षका कार्यकर्तालाई प्रतिनिधि ल्याउनका लागि नेताहरुले लबिङ गरेका कारण केहि वडाहरुमा भने क्षेत्रीय प्रतिनिधि चयनमा सकस परेको थियो । कांग्रेसले ६० वटा वडाहरुमा अधिवेशन सम्पन्न गरे पनि कुश्मा नगरपालिका वडा न ३ मा भने विवादका कारण अझै पनि अधिवेशन सम्पन्न भएको छैन् ।
बाँकी वडाहरुमा भने वडा कमिटि र पदाधिकारी चयन भएको र क्षेत्रीय प्रतिनिधिहरुको पनि चयन गरिएको नेपाली कांग्रेस पर्वतले जनाएको छ ।