अभिनेता अमिताभ र अभिषेकलाई कोरोना संक्रमण


काठमाडौं, २७ असार । बलिउडमा बिग बीको उपनामले परिचित अभिनेता अमिताभ बच्चन र उनका छोरा एवं अभिनेता अभिषेख बच्चनलाई कोरोना संक्रमण भएको छ।

महानायक अमिताभले आफैले ट्विट गरेर कोरोना भाइरस संक्रमित भएको पुष्टी गरेका छन् भने महाराष्ट्रका गृहमन्त्री अशोक चब्हाणले अभिताभका छोरा अभिषेक बच्चन पनि कोरोना भाइरस संक्रमित भएको जानकारी दिएका छन् ।

बच्चन बाबु छोरा कोरोना संक्रमित भए पनि अभिषेक पत्नी ऐश्वर्या राय र अभिनाभ पत्नी जया बच्चनको कोरोना परिक्षण भने नेगेटिभ आएको छ । उनकी नातिनीको परिक्षण नतिजा भने आइसकेको छैन ।

अमिताभले ट्विट मार्फत भनेका छन्– ‘मेरो कोभिड(१९ परीक्षण पोजेटिभ आएको छ। म अस्पताल भर्ना भएको छु। परिवारका बाँकी सदस्यको र कर्मचारीहरूको पनि कोरोना परीक्षण भएको छ। उनीहरूको नतिजा आउन बाँकी छ।’

अभिताभले आफ्नो ट्वीटमा यो पनि भनेका छन्– पछिल्ला दस दिनमा जो मेरो सम्पर्कमा आएको हुनुहुन्छ, उहाँहरूले आफ्नो कोरोना भाइरस परीक्षण गराउनुहोला।

भारतीय एजेन्सीका अनुसार उनीहरु दुवै जनालाई मुम्बई स्थित नानावती अस्पतालमा भर्ना गरिएको छ । अमिताभ बच्चनलाई सामान्य ज्वरो आएको छ । उनीहरु दुवै जना शनिबार राती १० बजे अस्पताल गएका थिए ।

७७ वर्षीय अभिनेता अमिताभ बच्चन अस्पताल भर्ना भएको खबरसँगै राजनेता, बलिउडका कलाकारहरू र प्रशंसकहरूले उनको शीघ्र स्वास्थ्य लाभको कामना गरेका छन्।

उनका समर्थक नानावती अस्पतालको परिसरमा जम्मा हुन थालेका छन् । त महाराष्ट्र सरकारले नानावती अस्पताल कोभिड–१९ अस्पताल भएकाले अस्पतालमा भिड नगर्न आग्रह गरेको छ । माहाराष्ट्रको स्वास्थ्य मन्त्रालयले हरेक दिन मेडिकल बुलृटिन जारी गर्ने बताएको छ ।

अस्पताल श्रोतलाई उद्धृत गर्दै भारतीय सञ्चार माध्यमले अभिताभको स्वास्थ्य अवस्था सामान्य रहेको बताएका छन् । उनको अक्सिजन लेभल ९५ छ । यसैबीच बच्चन परिवारको जलसा नामक बंगला पुरै स्यानेटाइज गरिदैछ । एजेन्सी

सम्बन्धित समाचार

Comments are closed

भर्खरै view all

कोरोना नियन्त्रणको प्रयासमा जुटे पर्वतका स्थानीय तह

मदन भण्डारी लोकतान्त्रिक आन्दोलनका धरोहर : प्रधानमन्त्री ओली

पर्वतको निषेधाज्ञामा आज देखि झनै कडाइ, बैंकसमेत बन्द

माधब नेपालको चाहना दिनभित्रै कार्यदलबाट निर्णय, ओलीको योजना बिहीबारपछि

औषधी उत्पादककले बन्द गरे कोरोना उपचारमा प्रयोग हुने औषधिको उत्पादन , मुल्य बढाउनुपर्ने माग